الحب في تورينين زي الشمس .. زي المياه .. ممكن لكل شخص يحصل عليهم وبدون عقد ولا مشاكل أخلاقية كبيرة أو صغيرة ..أن تحب في تورينين يعني أن تكون حراً والحرية لمن لم يعتدها منكم ومنا باب لا أخر له تعبره لتجد نفسك في مقابل أبواب أخري وأختيارات أخري ... فقط كل ما عليك هو أن تعبر بدون خوف ..وبدون قلق مما يختبي خلف الحوائط والمجهول .. أحب وصر حراً
هذه هي الحياة في تورينين .. حرية وحب بالضبط زي الهيبز في الستينات .. الحرية والحب معادلة ممكن تقودك للجنون في أمريكا للثورة على كل شئ وأي شئ لكن في تورينين مش حتلاقي سبب للثورة وأنت بتمارس الحب والحرية لأن كل الناس في تورينين بيمارسوا الحب والحرية بدون عقد ولا مشاكل ..
الجنس في تورينين زي التنفس .. والأجساد ما بتحسش بالخجل من العري بالضبط زي الحضارات الزراعية اللي أنتهت واللي لسة موجودة...الجسد مش مخجل زي ما هو مخجل في بقية أنواع الحضارات ..من الممكن أننا نشوف الرجل عاري البدن في الحقل في مصر بدون ما نخجل أو نتهمة بالخرق للأخلاق ..كذلك الحال في تورينين .. ولا مخجل .. ولأن الجسد مش سلعة ممكن تتباع وتتشري فكمان الجسد مش مقدس ... ونبقي نكمل بعدين
هناك ٨ تعليقات:
اختلف معاكي يا امل
او معاك
انا لسة معرفش انت راجل و لا ست
المدونة كلها لسة جديدة و لا كومنت
غريبة رغم ان الموضوع جدلي و يستحق
جميل اننا نحلم بعالم خالي من العقد و العراقيل
بس ش خالي من الدين و القيم
نحب اه
نتعرا لا
لا للعري
و نعم للحب
اتمنى اقرا لك الجديد
الى الامام
فلتبن عالمك الخاص ...
شكراً سمباتيك..أنا مذكر ومش مهتم كتير بحكاية تعريف نفسي أما بالنسبة لموضوع العري فأنا مش مع العري أنا بتكلم عن الحرية
شكراً karakib
بص انامنكرش ان المجتمع ذكورى
ومقرف فى مفاهيمه الجنسيه
بس مش البديل الاباحيه
ومدام مبدأ الاستثاره موجود فجسم الواحد او الواحده لازم يتغطى لانه تعدى على حرية الاخر بأنه يثيره بعريه
ومتقولش ان فعل الاستثاره مش مربوط بعرى جسم
بعدين
انت لازم تعرف ان ممارسه الحب او السكس بيبقى مشاعر خاصه بين اتنين ليه تتم على الملاء والانس تشاركك فيه بالنظر وبالطاقه ال بتتطلع من اجسامهم ناحيتك
كمل يا امل
خيالك جميل
انا عايز اعرف اكتر عن تورينين
على فكره انا كنت فاكرك مؤنث لغايه البوست اللى فات
الكنبة الحمرا
أولا أنا شاكر ليك على الزيارة والأهتمام
ثانيا :وحده .. وحده عليه .. أنا مش ماشي رافع راية العري في الدنيا ولا هي دي قضيتي فيها والموضوع كان في (الخياله) الممتعة أكتر منه أمنية حقيقية أو طريقة للتفكير في العالم
ومش ربطه قوي بالجنس قد ماهو مربوط عندي بالحرية ... يعني تقدر تقول كده ضربة خيال مع مدينتي اللي ممكن أمشي فيها عاري بدون خجل لأن كل سكانها عايشين هنا (في دماغي)..وبس
أبقي كداب لو قلت أني الموضوع خيال مصفي .. أكيد عندي شوية أفكار من دي
بس عارف حدودها ومش هي اللي سيقاني زي ما وصلك
البهظ بيه
دي شهادة عظيمة من شخص بحب كتابته من زمن
أما بالنسبة لموضوع التأنيث ... فأنا متعود عليه وليه معاه نكت وحواديت لاتنتهي ..المهم حصل خير وتعرفنا وده المهم
إرسال تعليق